** بنت بتتكلم و # ولد بيرد عليها
** بطل بقى ما انت عارفنى .. كلامك الحلو بيكسفنى
بيخلينى اتوه و اتهته و اتلخبط .. و احس قلبى سايبنى و ماشى مش متظبط
و الاقيك واخدنى منى خاطفنى
و فـ عز الحر احس البرد
# قولى لقلبى يبطل نبض .. قولى للشمس تسيب الارض
ساعتها يمكن ابطل اقول عن احساسى و احنا مع بعض
** بطل بقى وشى بيحمـَّر .. شكلك مش حـ تجيبها البر
مش كفاية حاسه برعشة حاضنة ايديا .. زى الغرقانة عمالة بفرفر فى شبر ميّـة
و مهما اسكت عينى تفضحنى تبوح بالسر
و اجى اقولك اى كلام مالقيش رد
# بحب اشوفك و انتى كسوفك خلى خدوك زى الورد
حسنك ظالم خلى عيونى اسيره لسحرو و بتتشد
قولى لقلبى يبطل نبض .. قولى للشمس تسيب الارض
ساعتها يمكن ابطل اقول عن احساسى و احنا مع بعض
بطل بقى و الا انت حر .. بالشكل ده عليك هتغر
ما انت كلامك بيخلينى فى السما اطير .. بتعلينى و بتغلينى و بتحلينى اكتر بكتير
بتحسسنى انى اميرة و احلامى امر
و ان مفيش فى العالم منى و لا غيرى فى الدنيا دى حد
# مهما هقولك مش حـ يكفى برضه انا وصفى يادوب ع الأد
برضه قليل كل كلامى عاللى انا ادامى شايفه بجد
بحب اشوفك و انتى كسوفك خلى خدوك زى الورد
حسنك ظالم خلى عيونى اسيرة لسحرو و بتتشد
قولى لقلبى يبطل نبض .. قولى للشمس تسيب الارض
ساعتها يمكن ابطل اقول عن احساسى و احنا مع بعض
*************************[/i]
الثلاثاء 28 يوليو 2009 - 1:07